Presidenti Amerikan Donald Trump, ka ashpërsuar përplasjen me guvernatorin demokrat të Maryland-it, Wes Moore, duke thënë se do të dërgojë trupa për të “larguar” krimin.
“Nëse Wes Moore ka nevojë për ndihmë, ashtu si Gavin Newsom në Los Anxhelos, do t’i dërgoj ‘trupat’, ashtu siç po bëhet në Uashington DC, dhe do të pastrojmë shpejt krimin”, shkroi Trump në rrjetet sociale.
Trump po bën përpjekje që të përdorë Gardën Kombëtare në qytetet e drejtuara nga demokratët, për të, siq thotë ai “larguar krimin”.
Demokratët e kanë quajtur këtë veprim “abuzim me pushtetin”, ndërsa guvernatori Moore u shpreh se komentet e Trump “janë të shurdhëta dhe injorante”.
Trump ka vendosur tashmë rreth 2 mijë trupa në Uashington, ku sipas Shtëpisë së Bardhë janë bërë qindra arrestime.
Sipas policisë metropolitane të DC, krimet e dhunshme kanë rënë ndjeshëm, duke shënuar nivelet më të ulëta në 30 vitet e fundit.