Sot rreth orës 18:40, një banesë është përfshirë nga zjarri në lagjën Emshir të Prishtinës, atje ku po vazhdon evakuimi i qytetarëve përreth, raporton GazetaDemos.
Deri më tani, dy banorë kanë arritur të shpëtohen heroikisht nga ekipet e Policisë e Zjarrëfikësve të cilët ndodhen në vendin e ngjarjes.
Teksa, ekipet mjekësore janë duke trajtuar disa persona të cilët kanë shfaqur probleme shëndetësore si pasojë e tymit
Pamje të reja nga zjarri në Prishtinë: Momenti kur shpëtohet një fëmijë nga zjarrëfikësi
Lajmin për incidentin e ka konfirmuar për GazetënDemos, zëdhënësia e Policisë së Kosovës për rajonin e Prishtinës, Flora Ahmeti.
“Sot rreth orës 18:40, kemi pranuar informatën për një incident zjarri në një ndërtesë në lagjen Emshir në Prishtinë. Menjëher në vendin e ngjarjes kanë dalë policia dhe zjarrfikësit të cilët po merren me rastin. Derisa po vazhdon evakuimi banorëve të ndërtesës, bazuar në të dhënat e deritanishme disa persona janë duke u trajtuar nga ekipet mjekësore, kryesisht probleme që janë shkaktuar nga tymi”, tha Ahmeti
