…
Ish-kandidati për kryetar Komune, Veton Seferi, ka reaguar ashpër ndaj zgjedhjes së Dimal Bashës si kryetar i Kuvendit të Kosovës, duke shprehur zhgënjimin e thellë ndaj vendimit të subjektit të tij politik.
Përmes një postimi publik, Seferi ka thënë se ndihet i tradhtuar nga vota që u ka dhënë përfaqësuesve të VV-së, duke e cilësuar vendimin si “të turpshëm” dhe “shuplakë për qytetarin”.
“Marre dhe turp! Kur kemi figura të forta si Shqipe Selimi apo Saranda Bogujevci – me integritet dhe guxim për të përfaqësuar qytetarët – ju zgjidhni Dimal Bashën për kryeparlamentar,” ka shkruar Seferi, duke kritikuar ashpër vendimin e partisë.
Ai shtoi se Parlamenti nuk duhet të jetë vend për pazare politike apo kompromise të ulëta, por pasqyrë e vlerave dhe besimit qytetar.
“Me këtë zgjedhje, i keni dhënë një njollë të zezë demokracisë,” u shpreh ndër të tjera Seferi.
Ky reagim i ashpër vjen pas votimit në Kuvend, i cili ka ngjallur debate të shumta brenda dhe jashtë radhëve të Lëvizjes Vetëvendosje.