Një rast i sulmit ndaj një personi zyrtar është raportuar mbrëmë në Pejë, ku një person ka pësuar lëndime trupore pas një mosmarrëveshjeje.
Sipas Policisë së Kosovës, viktima ka raportuar se është sulmuar fizikisht nga një person tjetër, duke pësuar lëndime të lehta trupore, për të cilat ka pranuar trajtim mjekësor.
I dyshuari është identifikuar shpejt nga policia dhe ka tentuar të largohet gjatë arrestimit, por nuk ka mundur të ikë. Pas ndalimit dhe intervistimit, me vendim të prokurorit, ai është dërguar në mbajtje. Policia po vazhdon hetimet për të sqaruar të gjitha rrethanat e rastit.
