Aktori i njohur Shkumbin Istrefi ka reaguar përmes një statusi publik lidhur me propozimin e fundit për Qeverinë, ku emri i aktorit Fatmir Spahiu nuk figuronte si kandidat për Ministër të Kulturës.
Istrefi ka theksuar se në të kaluarën e kishte mirëpritur kandidimin e Spahiut për këtë post, edhe pse, sipas tij, dihej se ato propozime nuk do të votoheshin, përcjell Indeksonline.
Ai ka vlerësuar po ashtu gatishmërinë e Spahiut për ta pranuar ofertën, pavarësisht rrethanave politike.
Sipas Istrefit, propozimi i sotëm i Qeverisë, pa emrin e Spahiut, ishte “me së buti thënë, dëshpërues”. Ai theksoi se nuk ka asnjë kundërshtim ndaj kandidates së propozuar, por e konsideron joetike mënyrën se si, sipas tij, është përdorur reputacioni i një prej aktorëve më të popullarizuar në vend.
Në fund, Istrefi u shpreh se Fatmir Spahiu do të mbetet gjithmonë një aktor dhe artist me vlera, ndërsa politika, sipas tij, vazhdon të mbetet e “flliqt”, duke shtuar: “Sa më larg saj.”
https://www.facebook.com/plugins/post.php?href=https%3A%2F%2Fwww.facebook.com%2Fisstraa%2Fposts%2Fpfbid02QLpxqssRZQb38wGinqzKec8xuHv21vLK5z27oJUUbjoTyjvgmsXtjUYetseWxJhul&show_text=true&width=500