Një ngjarje e rëndë ka ndodhur rreth orës 12:32 në rrugën “Ibrahim Rugova” në Gjilan, ku dy persona kanë humbur jetën dhe dy persona kanë mbetur të plagosur nga të shtënat në një kafe.
Burimet e IndeksOnline kanë bërë të ditur se viktimat janë babë e bir, Selami Hasani dhe Edmond Hasani, të cilët janë argjendarë të njohur në Gjilan.
Në mesin e të plagosurve është dhëndri i viktimave, Bujar Hoxha, i cili aktualisht Hoxha është në gjendje të rëndë shëndetësore.
I dyshuari për vrasjen e tyre është është Mefail Shkodra, i cili ndodhet në arrati.
Ndërsa redaksia ka mësuar se policia ka arrestuar njërin nga djemtë e tij, i përfshirë në vrasje në Gjilan.
Selamiu dhe Edmondi, babë e bir që u vranë sot në Gjilan nga njerëzit e fajdeve.
Policia e Kosovës e ka shpallur në kërkim Mefail Shkodrën, si i dyshuar për ngjarjen tragjike që ndodhi sot në Gjilan.
“Policia e Kosovës, Drejtoria Rajonale e Policisë në Gjilan, bazuar në autorizimin e Prokurorisë Themelore në Gjilan, me qëllim të lokalizimin dhe arrestimin e të dyshuarit, lëshon këtë kërkesë për bashkëpunim me qytetarë dhe mediat.
Mefail Shkodra, i dyshohet për vepren penalë “Vrasje e rëndë”.
