Rashiq: Nëse marr votat, do ta pranoj detyrën me përgjegjësi

Deputeti serb në Kuvendin e Kosovës, Nenad Rashiq, ka folur mbi mundësinë që ai të kandidojë për postin e nënkryetarit të Kuvendit.

Ai tha se është i gatshëm të marrë këtë përgjegjësi, nëse arrin të sigurojë votat e nevojshme.

“Nëse arrij të marr votat e mjaftueshme… Marrëveshja nuk varet prej meje sa i përket votave, por nëse vjen radha ime, siç gjithmonë kam thënë, besoj se jam për dikë i përgjegjshëm. Nëse votojnë për mua, normal që do ta marr detyrën në formën e përgjegjësisë. Po pres të ketë edhe parti të tjera politike që japin votë”, tha Rashiq.