SHARE
Kryetari i Komunës së Prishtinës, Përparim Rama, ka thënë se festivali ndërkombëtar “Sunny Hill” ka arritur që të sjellë një kryeqytet ndryshe për këto katër ditë.
“Për katër netë Prishtina jonë ishte ndryshe. Emocion e kënaqësi me artistë të nivelit botëror. Rinia jonë më impresionoi edhe njëherë, me kulturën e pjekurinë e treguar. Dhjetëra mijëra pjesëmarrës e asnjë incident i vetëm. Një rini e shoqëri shembull për gjithë botën”, ka shkruar ai në Facebook.
Përveç stafit të Festivalit dhe Dua Lipës, Rama ka falënderuar edhe Policinë e Kosovës për punën e tyre.
Sivjet “Sunny Hill” solli yje të njohur ndërkombëtarë si Bebe Rexha, Stormzy, Burna Boy, Black Coffe, DJ Snake, The Blaze, Tomy Gold, The Martinez Brotherz, Kamal dhe të tjerë.
Nuk munguan as artistët vendor si: Dafina Zeqiri, Ledri Vula, Dhurata Dora, Yll Limani, Mozzik, Mc Kresha, Lyrical Son.
Për herë të parë festivali u organizua në hapësirën e re në Bërrnicë të Poshtme, ku tashmë është nën shfrytëzim nga organizatorët për 99 vjet.
Postimi i plot:
Për katër netë Prishtina jonë ishte ndryshe. Emocion e kënaqësi me artistë të nivelit botëror.
Rinia jonë më impresionoi edhe njëherë, me kulturën e pjekurinë e treguar. Dhjetëra mijëra pjesëmarrës e asnjë incident i vetëm. Një rini e shoqëri shembull për gjithë botën.
Për organizimin e jashtëzakonshëm falënderoj menaxhmentin e Sunny Hill Festival dhe Dua Lipa për praninë dhe përkrahjen. Puna profesionale e Kosovo Police gjatë katër netëve ishte për çdo lavdatë….Shiko më shumë
