Share
Sot në komunën e Istogut ka vazhduar procesi i zhvarrimit të trupave të dëshmorëve. Procesi fillimisht filloi në Vrellë, për të vazhduar më pas në lagjen Muzliaj,e në Orroberdë.
Në lagjen Muzliaj u zhvarros Nazmi Musliaj e në fund u bë zhvarrimi i dëshmorëve të Orroberdës, Arton Zogaj, Qazim Hakaj dhe Nexhmedin Hakaj.
Në Orroberdë, gjatë prcesit të zhvarrosjes së dëshmorit të kombit, Arton Zogaj, u gjetën dy granata dore dhe dy monedha lekë të Shqipërisë.
Për granatat e gjetura, Policia e Kosovës së bashku me FSK-në kanë ndërhyrë në proces, teksa lekët iu dhuruan vëllait të dëshmorit, Arton Zogaj.
Procesi i zhvarrimit, u bë me nderime ushtarake nga ushtarët e FSK-së, teksa të pranishëm ishin edhe organizatat e dala nga lufta, ndër to “Shqiponjat e Arta”.