Pasi u punësua në Zürich, Fakulteti i Mjekësisë i Universitetit të Shkupit e luti Prof. Dr. Omer Xhemalin të mbajë një ligjëratë në kryeqytetin e Maqedonisë.

E pranoi ftesën dhe ligjëratën e nisi me këto fjalë: «Gëzohem që kam rastin të mbaj një ligjëratë në Universitetin ku nuk më pranuan për arsye politike».

Disa nga të pranishmit ulën kokën.

«Si student kam punuar kamerier dhe sot kur shoh njerëz që sillen keq me kamerierë, u them: kujdes se nesër ky mund të ta operojë zemrën. Andaj silluni mirë me kamerierë».

Së fundmi, mjeku i njohur shqiptar, Omer Xhemali, është emëruar drejtor i Klinikës Universitare të Kardiokirurgjisë në Zürich.