Një moment i veçantë ndodhi dje gjatë tubimit në hapjen e fushatës së LDK-së, shkruan GazetaDemos.
Një zonjë u shfaq në prag të foltores, duke tërhequr vëmendjen e të gjithëve me gjestin e saj të veçantë, në duar mbante një telefon, duke i transmetuar drejtpërdrejtë gjithë ngjarjen vëllait të saj, i cili ndodhej i shtrirë në spital.
Gjestin e saj, Abdixhiku e quajti një simbol të dashurisë së madhe familjare dhe përkushtimit për lidhjen mes njerëzve dhe kauzës së përbashkët.
“E çfarë s’bën motra për vëllain? Dashuri. E madhe madje. Edhe për njëri-tjetrin, edhe për vet lidhjen tonë!” shkroi ai.
Postimi i plotë:
E çfarë s’bën motra për vëlla?
Disa momente të madhështojnë.
Një ndër ngjarjet më emocionuese të djeshme, ishte prezenca e një zonje mu në prag të foltores. E shikoja me kurreshtje gjatë gjithë kohës. Në duar lartë, drejtuar nga unë, mbante një telefon. Në atë telefon shfaqej një burrë i shtrirë në spital.
Po i transmetonte, drejtpërdrejtë, gjithë ngjarjen atij. Dashuri. E madhe madje. Edhe për njëri-tjetrin, edhe për vet lidhjen tonë!
Gjatë ditës i kërkova ekipit ta gjenin. E gjetëm. Visar Kadrolli, fotograf e gazetar i Nacionales, e kishte kapur këtë moment ikonik për ne.
Burri në shtrat ishte i vëllai i saj. E çfarë s’bën motra për vëllain?
Zonjë e zotëri, ju faleminderit që keni kaq përkushtim për ne, për LDK-në dhe Kosovën tonë! Qoftë e kaluar kjo përballje shëndeti e u pafshim në takimet tjera!
