Prokuroria Themelore në Mitrovicë ka njoftuar se sot është arrestuar një person me inicialet D.B., i cili prej muajsh ishte në kërkim.
Ai dyshohet për veprat penale “Vrasja e rëndë në tentativë” dhe “Mbajtja në pronësi, kontroll ose posedim të paautorizuar të armëve”.
Sipas Prokurorisë, i dyshuari ka tentuar t’i marrë jetën të birit të tij. Me vendim të prokurorit, ai është dërguar në mbajtje për 48 orë.
Njoftim i plotë:
Arrestohet një i dyshuar për vrasje të rëndë në tentativë ndaj birit të tij
Mitrovicë, 14 nëntor 2025 – Prokuroria Themelore në Mitrovicë njofton opinionin publik se pas një pune operative është arrestuar një person me iniciale D.B., i cili prej muajsh ka qenë në kërkim, me dyshimin për kryerjen e veprave penale “Vrasja e rëndë në tentativë” dhe “Mbajtja në pronësi, kontroll ose posedim të paautorizuar të armëve”.
I njëjti dyshohet se ka dashur të privojë nga jeta të birin e tij.
I njëjti me vendim të prokurorit gjendet në mbajtje për 48 orë.
Brenda afatit të paraparë ligjor Prokuroria Themelore në Mitrovicë do të paraqes pranë gjykatës kompetente kërkesë për masën e sigurisë për të pandehurin.
arrestim Mitrovica Vrasje në tentativë