Mësimdhënësi Gani Veliqi ka reaguar përmes një postimi në rrjete sociale, ku ka krahasuar kushtet e qytetarëve të Skenderajt me ato të Drenasit, sa i përket furnizimit me ujë.
“Faleminderit Skenderaj! Unë jam banor i Drenasit, por ujin po e marrë në Skenderaj. Aty është ndërtuar një çeshme publike që e shfrytëzon çdo qytetar i rastit, por edhe banorët e fshatrave të periferisë, sidomos të komunës së Drenasit, sepse fshatrat e Skenderajt të gjitha e kanë ujin nga rrjeti. Në Drenas kallesh etje e nuk ke një gotë ujë për ta pi, pos nëse e lut dikë në kafiteri, edhe atë të vogël”, ka shkruar Veliqi.
Ky reagim pasqyron një nga shqetësimet më të mëdha të qytetarëve të Drenasit, që prej vitesh ballafaqohen me mungesën e furnizimit me ujë të pijshëm.