Kryetari i Partisë Demokratike të Kosovës (PDK), Memli Krasniqi, ka reaguar përmes një postimi në rrjete sociale pas ngjarjes tragjike që ndodhi sot në qytetin e Gjilanit, ku tre persona u vranë si pasojë e një konflikti me armë zjarri.
Krasniqi e ka cilësuar këtë ngjarje si një “dhimbje e madhe për të gjithë”, duke kërkuar veprim të shpejtë nga institucionet për të sjellë autorët para drejtësisë dhe për të rikthyer ndjenjën e sigurisë tek qytetarët.
Postimi i plotë:
Ngjarja tragjike e sotme në Gjilan, ku u vranë tre persona, është një dhembje e madhe për të gjithë.
Ky është një tjetër alarm për pasigurinë, kriminalitetin dhe fenomenet negative që po rriten vitet e fundit në Kosovë.
Institucionet duhet të veprojnë shpejt për t’i sjell akterët para drejtësisë, por edhe për të rikthyer sigurinë dhe besimin e qytetarëve.
Ngushëllimet më të sinqerta për familjet e viktimave!