“Më thanë që ka dhunë”- Presidenti i klubit rumun që do të luajë me Dritën thotë se do t’i marrë 20 truproja në Kosovë

🇷🇴 FCSB nesër do të përballet me Dritën në kuadër të raundit të tretë kualifikues të Ligës së Evropës.

Gjatë një paraqitjeje në emisionin “Fanatik Superliga”, moderatori Horia Ivanovici i shpjegoi se emri “Drita” në gjuhën shqipe do të thotë “dritë”. Në përgjigje, Becali tha: “Vetëm një person mund të jetë dritë”, duke aluduar për Jezu Krishtin.

Megjithatë, ajo që tërhoqi më shumë vëmendje ishte deklarata e tij për masat e sigurisë. Ai njoftoi se për ndeshjen në Kosovë do të dërgojë rreth 20 truproja për të mbrojtur ekipin.

“Kështu më kanë thënë, që atje ka dhunë. Kam dëgjuar se janë bërë kërcënime. Nuk dua të them shumë, nuk dua t’i fyej ata, por kështu është më mirë”, ka thënë presidenti i FCSB-së. /insjaderi