Ministri i Punëve të Brendshme, Xhelal Sveçla, ka mbrojtur tenderët njëburimor të ministrisë të cilën e udhëheqë nën arsyetimin e çuditshëm se kjo po bëhet me qëllim që të fshehën nga Serbia dhe Rusia, gjatë një interviste në “Kallxo Pernime”.
“Kur i gjithë globi është në tension, kur përmenden edhe bombat nukleare, kur ke atak të drejtpërdrejtë të një shteti armik, realisht ti punon për t’u mbrojt. M’i pas të gjithë tenderët publik, m’i tregu edhe Serbisë edhe Rusisë.
Për mu është banale që disa kontrata janë apo kanë qenë publike. Kemi dashtë shtet, kemi dashtë ballafaqim në kuptimin e drejtë të fjalës. Këtë nuk e ke në Kosovë, këtë e ke gjithandej.” – tha ai.
