Sipas Genc Abilikës, Myzafere Rizvanollit nuk iu ofrua trajtimi i nevojshëm mjekësor në Spitalin Rajonal të Gjakovës, ku ajo po mjekohej që nga viti 2022. 64-vjeçarja, e cila ishte në gjendje kome, kishte qëndruar për tre vjet në njësinë e kujdesit intensiv, pa mundësi komunikimi.
Abilika, i cili kishte bashkëjetuar për më shumë se dhjetë vjet me Rizvanollin, vlerëson punën e infermierëve, por shpreh pakënaqësi ndaj mjekëve dhe drejtuesve të spitalit. Ai thotë se gjatë dhjetë ditëve të fundit nuk është lejuar të qëndronte pranë partneres së tij me të cilën kishte kaluar 14 vite.
Ai ka paraqitur të njëjtat pretendime edhe në Policinë e Gjakovës, që tashmë ka hapur rast për trajtim të mundshëm të papërgjegjshëm mjekësor. Ndërkohë, Drejtoria e Spitalit të Gjakovës ka kërkuar nga policia dhe prokuroria që rasti të hetohet deri në fund, me qëllim që, siç thuhet, të mos dëmtohet reputacioni i institucionit.
Gjakove Spitali “Isa Grezda”vdekje