Këngëtarja e njohur kosovare, Arta Bajrami, ka ndarë një rrëfim shumë emocional lidhur me vendimin e saj për të folur publikisht për fëmijët me autizëm.
E ftuar në emisionin festiv “Gjesi” në T7, të moderuar nga Fortesa Shala, Arta ka treguar se momenti kur ka vendosur të dalë hapur me historinë e saj ka qenë shumë i vështirë emocionalisht.
“Kam qajt shumë kur kam vendos me fol hapur për autizmin. Nuk ka qenë e lehtë, por kam dashtë me i ndihmu prindërit që po kalojnë nëpër të njëjtën situatë,” është shprehur ajo.
Arta tha se ndihet e përkushtuar që përmes zërit të saj të rrisë vetëdijen për fëmijët me autizëm dhe për sfidat që përballen familjet e tyre çdo ditë.
Ajo theksoi se shpresa, dashuria dhe pranimi janë çelësi për t’i dhënë mbështetje fëmijëve me nevoja të veçanta.
https://fb.watch/EmxscWhY6k/