Kandidati për deputet nga AAK, Daut Haradinaj sonte ishte mysafiri i radhës në emisonin “Tu pa tu Ba”.
Haradinaj foli për partinë në pushtet ku pati disa kritika për punën e ministrit të bujqësisë, Faton Pecit.
“Çka ka lyp ai votuesi i VV-së tek kjo Qeveri, të isha kanë në Kuvend nuk kish kalu kjo aq lehtë, nuk e di se cka kisha bërë, por nuk e kisha leju që aq thjeshtë me kalu këto tema, me dal një ministër me u krekos aty ose kur ja mohon një grand grave të Krushës, familjeve më të masakruar që i ka shoqëria jonë që me u qu i madh e i vogël me e ngrit atë familje”, tha ai.
Ish-komandanti i UÇK-së deklaroi se po të ishte ai në seancë Peci nuk do të guxonte as të hynte në sallë.
“Po të kisha kanë në seancë ai nuk kish guxu me hy se vo e ujë e çka të ka për kry ia kisha dhanë”, tha Haradinaj
Më tej ai shtoi se ka njerëz të mirë të VV-së që kanë dhënë shumë për këtë parti që të vie në pushtet dhe se ai brez tani po i sheh marrinat e kësaj qeverie.
“Tashti nuk e di qysh nihet ni votues i VV-së se menoj që ka shume njerëz të mirë në VV, ka njerëz nacionalista që kanë punu me vite e vite janë arrestu e me raste janë torturu që me ardh Albin Kurti në pushtet dhe sot krejt ai brez që ka punu për këtë VV është ka i sheh marrinat e tyre”, shtoi ai.
