Kandidati për kryeministër nga radhët e PDK-së, Bedri Hamza komentoi deklaratën e kryeministrit Albin Kurtit, kur ky i fundit e quajti kundërshtarët politik “hajvana”.
Hamza tha se ka përgjegjësi të madhe dhe nuk e lejon vetën të shprehet në atë mënyrë.
“Unë po e ripërsëris, e para jam prind i tre fëmijëve, e dyta punoj si profesor, e treta kam qenë bartës i shumë pozitave të larta publike, dhe kam përgjegjësi se si formulohem, dhe sigurisht që nuk do ta lejojë vetën. Gjuha shqipe është shumë e pasur me fjalë që mund ta thuash çdo mendim tëndin.”, tha Hamza në Rubikon.
Mes tjerash, Hamza potencoi se preokupimi i Partisë Demokratike të Kosovës që t’i adresojë sfidat e vendit dhe problemet e qytetarëve.
“Gjithçka ka qenë e kalkuluar dhe është e kalkuluar deri në detale. Preokupimi ynë është se qysh me i adresu sfidat e vendit, problemet e qytetarëve të Kosovës, qysh me bë një ambient më të mirë për bizneset, qysh me zhvillu ekonominë, arsimin, shëndetësinë, e qysh me përmirësu standardin e jetës së qytetarëve”, vijoi tutje ai.
