Fero Fera, artisti i njohur i muzikës shqiptare, ka rritur tensionet në lidhje me kujdestarinë e vajzës së tij, Ninës, pas një deklarate të fortë nga avokaten e ish-partneres së tij, Arbenitës.
Avokatja Blinera Osmani ka pretenduar se nuk është e vërtetë që klientes së saj i është marrë kujdestaria, duke theksuar se kërkesa për mbrojtje emergjente nga Fero ka hasur në kundërshtim dhe se ende nuk ka një vendim të prerë nga gjykata.
Megjithatë, vetëm disa momente pas këtyre deklaratave, Fero ka dalë në skenë me provat e tij, duke shfrytëzuar rrjetet sociale për të zbuluar një pjesë të vendimit të Gjykatës. Në këtë dokument, ai shpjegon se:
“Udhëzim juridik: kundër këtij aktvendimi, pala e pakënaqur mund të ushtrojë kundërshtim në këtë gjykatë, përkatësisht në Gjykatën Themelore Gjilan. Kundërshtimi nuk e ndalon ekzekutimin e këtij aktvendimi.”
Ky veprim i Feros ka sjellë një trazirë të re në këtë çështje, duke ngritur pyetje mbi mënyrën se si po trajtohen procedurat ligjore dhe mbi përmbajtjen e vërtetë të marrëdhënies së tij me Arbenitën.
Publikimi i këtij dokumenti, sipas tij, është një tentativë për të hedhur dritë mbi situatën dhe për të treguar se ai ka ndjekur të gjitha hapat ligjorë në përpjekjet e tij për të siguruar kujdestarinë e vajzës.
Reagimi i tij ka shkaktuar një valë diskutimesh në rrjetet sociale, ku ndjekësit dhe fansat e tij e përkrahin atë në këtë betejë për të drejtat prindërore.
Shiko foton:
