Familja e ish-nënkryetarit të Gjykatës Kushtetuese të Kosovë, familja Kryeziu janë distancuar publikisht nga deklaratat e familjarit të tyre në lidhje me islamin.
Vëllau i Kadri Kryeziut, Bedri Kryeziu tha se me deklaratën e tij, ai nxit tensione fetare mes komuniteteve të ndryshme në Kosovë, duke u ngritur kundër fesë Islame, ku sipas statistikave 94% e popullsisë janë myslimanë, dhe e fton këtë komunitet për revansh.
”I kërkojmë falje vëllezërve myslimanë në Kosovë për fyerjet e shkaktuara nga vëllai ynë dhe ftojmë drejtësinë kosovare të veprojë në përputhje me ligjin për ata që fyen komunitetet dhe nuk respektojnë tolerancën fetare.”, thuhet në reagim.
Te nderuar qytetarë,
Ne, familja Kryeziu, distancohemi publikisht nga deklarata e papjekur e vëllait tonë, Kadri Kryeziu. Fatkeqësisht, me këtë deklaratë, ai nxit tensione fetare mes komuniteteve të ndryshme në Kosovë, duke u ngritur kundër fesë Islame, ku sipas statistikave 94% e popullsisë janë myslimanë, dhe e fton këtë komunitet për revansh. Kjo shkel ligjet e Republikës së Kosovës, ligje për të cilat ai vetë ka qenë pjesëmarrës dhe bashkë-hartues.
Si politikan, ai deklaron se jemi shtet laik, por në praktikë përzihet në çështje fetare, duke treguar injorancë totale dhe mungesë njohurie, pasi nuk ka lexuar asnjë faqe për fe.
I kërkojmë falje vëllezërve myslimanë në Kosovë për fyerjet e shkaktuara nga vëllai ynë dhe ftojmë drejtësinë kosovare të veprojë në përputhje me ligjin për ata që fyen komunitetet dhe nuk respektojnë tolerancën fetare.
Prizren, 2.11.2025
Nga: Bedri Kryeziu
