Drejtori i Shëndetësisë, Fahri Shabani, ka reaguar ndaj pretendimeve se në QKMF në Mitrovicë mungon oksigjeni.
Ai demantoi bartësin e listës së VV-së, Armend Begun, duke sqaruar se QKMF-ja në Mitrovicë është furnizuar me oksigjen dhe me materialet e tjera të nevojshme.
Postimi:
REAGIM PUBLIK
Njoftoj qytetarët se QKMF në Mitrovicë është e furnizuar me oksigjen dhe me të gjitha materialet e tjera të nevojshme.
Më mirë dhe më shumë se në çdo qeverisje tjetër.
Propaganda dhe shpifjet mjerisht nuk po i kursejnë as qytetarët , të cilët kanë nevojë për oksigjenoterapi e të cilët i siguroj që oksigjen në QKMF , ka pasur , ka aktualisht dhe do të këtë gjithmonë.
E kam ftuar z.Armend Begu , kryesues i listës së asambleistëve të LVV-së, që të shkojmë bashkë në QKMF dhe të vërtetojmë faktet.
Apeloj tek të gjithë eksponentët politikë që mos të përhapin frikë e panik tek qytetarët duke shpërndarë shpifje dhe të pavërteta në shërbim të një propagande aspak dinjitoze.
Fushata duhet të bëhet me program, vizion politik, me fakte, me kulturë demokratike e mbi të gjitha me dinjitet.