Shpërndaje
Elijona sonte ka zbuluar për herë të parë të vërtetën e saj rreth largimit nga familja.
Ajo tregoi se ishte shkëputur nga familja jo biologjike për t’u rikthyer te familja e saj biologjike, një vendim që thotë se do ta përsëriste pa hezitim edhe sot.
‘Zarfi i Kuq’ i është drejtuar posaçërisht Elijona Binakajt pas publikimeve të shumta mediatike që kanë qarkulluar ditët e fundit për një periudhë të së kaluarës së saj.
Zarfi ngjalli tension dhe emocion, teksa Vëllai i Madh kërkoi sqarime për lajmet ku përmendej edhe policia gjermane.
Në ‘zarfin e kuq’ shkruhej: “Elijona, në ditët e fundit emri yt ka pushtuar mediat.
Portale të ndryshme kanë publikuar lajme të një periudhe të jetës tënde, duke përmendur policinë gjermane”.
Elijona, dukshëm e emocionuar, reagoi duke thënë se nuk po ndihej mirë nga mënyra si ishte trajtuar tema dhe si ishte përfolur brenda shtëpisë.
“Një njeri shumë i ligë këtu brenda ka gjuajtur me fjalë, ka prek të kaluarën time dhe ka dhënë informata jo të sakta”, tha ajo.
Ajo sqaroi edhe një herë të vërtetën e saj lidhur me lajmet që kanë qarkulluar.
“Unë nuk jam ikur asnjëherë prej familjes teme, por kam ikur prej familjes gjermane për të shkuar te familja ime. E kam marrë vendimin vet me ik dhe me shku te familja ime, e kisha bërë sërish. Jam shumë krenare me atë veprim”.
Sqarimi i Elijonës pas ‘zarfit të kuq’ ka ngjallur reagime të shumta brenda dhe jashtë shtëpisë, ndonëse u mësua e vërteta.