Një aksident i rëndë ku u përfshinë gjashtë vetura ka ndodhur ditën e djeshme në Komoran, si pasojë e të cilit një grua ka humbur jetë.
Viktima e këtij aksidenti është 62-vjeçarja, Myvedete Suka. Lajmin për vdekjen e saj e kanë konfirmuar edhe familjarët.
I dyshuari për shkaktimin e kasidentin është arrestuar dhe dërguar në mbajtje, bën të ditur Policia e Kosovës në raportin 24 orësh.
“Komoran, Gllogoc / 11.08.2025 – 18:15. Si pasojë e mospërshtatjes së shpejtësisë së lëvizjes kushteve të rrugës gjashtë (6) automjete janë përfshirë në aksident trafiku në mes veti. Si pasojë e lëndimeve të marra në aksident një femër kosovare ka ndërruar jetë, si dhe si dhe lëndime trupore kanë pësuar 8 persona. Të lënduarit janë dërguar në tretman mjekësor në QKUK. Me vendim të prokurorit trupi i pajetë i viktimës është dërguar në IML për autopsi ndërsa i dyshuari m/k që dyshohet se ka shkaktuar aksidentit pas trajtimit mjekësor është arrestuar dhe dërguar në mbajtje”, thuhet në raport.
Varrimi i saj do të bëhet të martën, më 12 gusht 2025, në ora 16:40, në varrezat e Arbanës. Falja e namazit të xhenazes do të kryhet po ashtu në të njëjtin vend.
KomoranMyvedete SukaHumbi jetën në aksidentI jepet lamtumira e fundit