Kandidati për kryetar të Deçanit, Shkumbin Demaliaj, po kërkon një shpjegim nga kryetari aktual i Deçanit, Bashkim Ramosaj, për segmentin rrugor Lëbushë-Strellc i Epërm që është 2 kilometra e që sipas tij ka kushtuar 8 milionë euro, shkruan Gazeta Demos.
Demaliaj përmes një videomesazhi ka thënë se segmenti rrugor Prishtinë-Klinë, në gjatësi prej 5.2 kilometrash po kushton 9 milionë euro, i bërë nga Ministria e Infrastrukturës, e që i ka ngjallur dyshime për të kërkuar shpjegim për këtë kosto në Deçan.
”Kosto e rruga Lëbushë-Strellc i Epërm e gjatë 2.2 km kap vlerën e 8 milionë eurove, e që është më e shtrenjtë se një llot i rrugës në Dollc me gjatësi 5.2 km”, shkruan Demaliaj.
Shkrimi i plotë:
8 milionë euro për 2 kilometra rrugë
Kosto e rruga Lëbushë-Strellc i Epërm e gjatë 2.2 km kap vlerën e 8 milionë eurove, e që është më e shtrenjtë se një llot i rrugës në Dollc me gjatësi 5.2 km.
Si është e mundur?
Këtë duhet ta shpjegojë kryetari aktual i Deçanit.