Kënga Haziri, vajza e ish-kryetarit të Gjilanit, Lutfi Haziri, ka qenë sot e ftuar në emisionin SOL me Adelina Hasanin, ku ka ndarë detaje nga jeta e saj personale dhe është pyetur për tashmë dhëndrin e ri të familjes, këngëtarin e njohur Mozzik.
Gjatë intervistës, Kënga ka theksuar mbështetjen e familjes për motrën e saj, Lotina Haziri, e cila e ka konfirmuar lidhjen me reperin Gramoz Aliu, i njohur ndryshe si Mozzik.
“Ekskluziviteti i kësaj i takon Lotinës. Ne thjesht jemi të lumtur që Lotina është e lumtur. Për çdo zgjedhje të asaj ne jemi mbrapa. E suportojmë përderisa ajo është e lumtur,” tha Kënga Haziri, shkruan Klan Kosova.
Foto: Kënga Haziri
E pyetur se si iu duket Mozzik si dhëndër, Kënga zgjodhi t’i lërë vlerësimet e para motrës së saj, duke shtuar: “Për këtë do të flasë e para Lotina, pastaj do të flasim të gjitha. Po ia lemë Lotinës”.
Me këtë përgjigje, ajo iu shmang një komenti konkret, duke e drejtuar fokusin te lumturia e motrës së saj.
Lidhja mes Lotina Hazirit dhe Mozzik është bërë publike së fundmi, duke sjellë shumë interes nga mediat dhe ndjekësit. Lotina Haziri, gjithashtu vajza e ish-kryetarit të Gjilanit, Lutfi Haziri, ka konfirmuar dashurinë e saj me reperin e njohur, duke bërë kështu një nga çiftet më të përfolura të momentit.
Familja Haziri duket se është e përkushtuar për të mbështetur zgjedhjet e tyre dhe për të siguruar që çdo anëtar të jetë i lumtur.
