Share
Ditëve të fundit kanë qarkulluar lajme se disa gazetarë në mesin e të cilëve edhe Berat Buzhala, po përcillen nga Agjencia Kosovare e Inteligjencës.
Lidhur me këtë temë ka folur vet Buzhala.
Ai riktheu në kujtesë vitin 2019-të kur bashkë me kryeministrin aktual Albin Kurti, në kohë fushate voziteshin me veturë dhe se informacionet që sot pushteti po i përdor ndaj tij, nuk i përdorte para pesë vjetësh.
“Ku e kam atë shokun tim Albin Kurtin. Ai hipte në veturë dhe mund ta dërgoja ku të doja, në Çabiq mund ta dërgoja”, tha ai në Rubikon.
“Këto informacione që po përdorin tani ndaj meje i kanë pasur edhe në vitin 2019-të. Ato informacione i patën përdorur në 15-tën, 16-tën, në 2019-tën u zhdukën. Ne patëm përkrahur opozitën për hir të vërtetës, jo Vetëvendosjen”, tha Buzhala.
