Pas homazheve në Prekaz, kryetari i LDK-së, Lumir Abdixhiku bashkë me anëtarët e kësaj partie, kanë shkuar tek Kulla e Jasharëve.
Ata u pritën nga Rifat Jashari.
Nëpërmjet disa fotografive të postuara në Facebook, Abdixhiku thotë se qëllimi i shuarjes së trungut familjar të Jasharëve, një çerek shekulli më parë, ishte qëllim i shuarjes së vet popullit shqiptar në Kosovë. Qëndresa e tyre atëherë, ishte rilindje e jona kombëtare. Rilindja e tyre sot, si familje, mes brezave të rinj pasardhës të Jasharëve, është qëndresë e jona që na mbanë neve në rrugën përpara.
