Klea Prenga ka reaguar për herë të parë pas videos që po bën namin nëpër rrjete sociale ku tregon sulmin e dhunshëm nga motrat Antonela dhe Mariela Berisha kundrejt modeles.
Në një postim në Instagram, Prenga shprehet se ishte sulmuar ndërsa po konsumonte ushqim në një lokal në Tiranë dhe i etiketon dy motrat si “fundërrina, dhjakse”.
Ajo thekson se do të luftojë deri në fund për të siguruar që drejtësia të vihet në vend dhe motrat Berisha të mbajnë përgjegjësi për sulmin brutal.
Në postimin e saj, ajo shkruan:
Të dashur miq,
Pamjet e sulmit të shpifur u shpërndan sot, ato tregojnë vetëm forcën time për të vazhduar përpara. Edhe pse e gjakosur nuk ndalova së mbrojturi veten time.
Dhjakse, fundërrina që godasin nga mbrapa një person që eshtë duke ngrënë, harrojnë që ka një Zot atje lart që më mbron.
Falenderoj Zotin për forcën që më dha dhe vazhdon të më japi.
Unë nuk do të lejoj që dhuna të më mposhtë.
Faleminderit të gjithëve për mbështetjen tuaj, ajo më jep forcë të luftoj që drejtësia të shkojë në vendin e duhur.
