Pas daljes nga shtëpia e Big Brother VIP Kosova, Edi Kuçi ka vendosur të thyejë heshtjen që mbante prej ditësh. Ish-banori, i cili u largua pas një televotimi ku vendimi iu la publikut, kishte zgjedhur të mos bëjë asnjë deklaratë gjatë periudhës së fundit, një qëndrim ndryshe nga shumica e banorëve që shpërndajnë menjëherë përvoja dhe reagime.
Përmes një postimi në Instagram, Edi ka paralajmëruar se do të flasë nesër.
“Nesër. 20:00. Kam me thënë diçka. Ka qenë koha me hesht. Tash është koha me fol,” – shkruan ai në njoftimin e tij të shkurtër.
Ky paralajmërim lë të kuptohet se Kuçi ka shumë për të ndarë lidhur me përvojën e tij në Big Brother VIP Kosova. Mbetet për t’u parë se çfarë do të zbulojë dhe kujt do t’i drejtohet pas javëve të tensionuara brenda shtëpisë.
