Shpërndaje
Albina Kelmendi e ka çuar edhe një hap më tej vrullin e këtij sezoni. Pas performancës së fuqishme, ajo tashmë është zyrtarisht finaliste në “Kënga Magjike 2025” dhe sonte ngjitet në skenë për të garuar për çmimin e parë.
Me “Gënjeja”, një projekt i tëri nën firmën e Adrian Hilës – muzikë, tekst dhe orkestrime, Albina ka treguar edhe një herë se di ta mbajë publikun pezull.
Kënga u prezantua me emocion të pastër dhe me atë ndjeshmërinë karakteristike që ajo di t’ia japë çdo performance, ndërsa bashkëpunimin me Hilën e ka vlerësuar si një nga ato përplasjet e rralla artistike që thjesht funksionojnë.
Edhe në anën vizuale, Albina ka qenë po aq e qëndrueshme. Stilin e ka besuar te Joni Peci, i cili ka ndërtuar një pamje që i jep siguri në skenë dhe e përfaqëson natyrshëm, pikë për pikë.
Ndërsa “Gënjeja” ka rezultuar një nga prurjet më të komentuara të këtij edicioni, mbetet për t’u parë nëse sonte Albina do ta ngrejë kupën e madhe. Publiku e pret me kureshtje.