Shpërndaje
Situata në shtëpinë e Big Brother VIP Kosova ka arritur një nivel shqetësues, ndërsa banorja më e re, Elijona Binakaj, është bërë qendra e tensioneve.
E reja 18-vjeçare, e cila hyri në program për të sfiduar veten, po përballet me situata që familja e saj i konsideron të papranueshme.
Pas ngjarjeve të fundit, ku Elijona është parë nën presion të vazhdueshëm dhe madje e bllokuar fizikisht nga Benita dhe Alba, familja ka reaguar me ashpërsi.
Përmes një deklarate urgjente, ata kërkojnë mbrojtje për vajzën e tyre dhe nënvizojnë natyrën e rëndë të sjelljeve ndaj saj.
Familja e Elijonës thekson se nuk bëhet fjalë më për lojë, por për veprime që rrezikojnë mirëqenien e saj.
“Kemi ndjekur me shqetësim të madh disa situata, ku Elijona është vendosur nën presion psikologjik. Veprimet që përfshijnë intimidim, heshtje të detyruar ose pengesa fizike ndaj saj janë të papranueshme për ne si familje”, thuhet në deklaratë.
Familja Binakaj kërkon që Vëllai i Madh të ndërhyjë pa vonesë për të ndaluar provokimet që po tejkalojnë çdo kufi etik, duke pasur parasysh moshën delikate të Elijonës.
“Elijona është aty për të konkurruar, jo për t’u përballur me presione apo provokime që shkojnë përtej kufijve të lojës. Kërkojmë transparencë dhe reagim të menjëhershëm”, shtojnë ata.
Reagimi i plotë
Gjatë orëve të fundit kemi ndjekur me shqetësim të madh disa situata të transmetuara nga shtëpia e Big Brother, ku Eliona është vendosur nën presion psikologjik dhe sjellje të papranueshme nga disa banorë. Në veçanti, veprimet që përfshijnë intimidim, heshtje të detyruar ose veprime fizike penguese ndaj saj, janë të papranueshme për ne si familje.
Ne kërkojmë me urgjencë që produksioni të ndërhyjë menjëherë, të vlerësojë situatën me seriozitet dhe të marrë masat e nevojshme për të garantuar mirëqenien, sigurinë dhe të drejtën e Elionës për të qëndruar në një ambient të shëndetshëm e të drejtë.
Eliona është aty për të konkurruar, jo për t’u përballur me forma presioni apo provokime që tejkalojnë kufijtë e lojës. Kërkojmë transparencë dhe reagim të menjëhershëm.
Faleminderit të gjithëve që tregoni kujdes dhe mbështetje.” /Telegrafi