Diferencat e thella në raportin e ngurt në mes Vjosa Osmanit dhe Donika Gërvallës tashmë janë bërë krejtësisht të qarta dhe publike, pasi Osmani, duke iu referuar një këngë të këngëtares Gili, e pyetur për Gërvallen tha se kemi të bëjmë me një “mjeshtre të mashtrimit”.
“Kemi qëndrime në dallime të cilat janë të qarta. Nëse doni pak me këngë me kast me kast mjeshtër i mashtrimeve, me kast me kast përsëritës i gabimeve”, tha Osmani para gazetarëve.
Kjo si kundërpërgjigje për Gërvallen e cila një natë më parë kishte cituar një këngë të Dafina Zeqirit, duke iu referuar presidentes si “llafe, llafe”.
Në këtë nivel, përmes këngëtareve të popit, dy gratë më të votuara në Republikën e Kosovës, i kanë treguar publikut në Kosovë se raportet mes tyre pothuajse nuk ekzistojnë.
