Deputeti i Kuvendit të Kosovës, Enver Hoxhaj,foli rreth koalicionit me VV-në.
I pyetur nga gazetari Gashi se nëse thirren për bisedime nga VV-ja për koalicion, cfare përgjigje do të kenë….. Hoxhaj ripërsëriti qëndrimin e kandidatit për kryeminsitër, Bedri Hamza.
“Që të jem më i qartë duhet të reflektoj edhe pozicionin që e ka mandatari jonë, zoti Hamza. Bedri Hamza ka patur një qëndrim që ai e përjashton një mundësi të një koalicioni me Lëvizjen Vetëvendosje edhe pas zgjedhjeve të 9 shkurtit. Në bindjen time të plotë, ajo sepër çfarë ka nevojë Partia Demokratike e Kosovës është që ta pret në totalitet rezultatin e këtyre zgjedhjeve, të certifikohet rezultati zgjedhor, sot është herët për të dal me vija të qarta por çfarë ne mendojmë është kjo….qytetari i Kosovës e ka votuar Lëvizjen Vetëvendosje si subjektin e parë politik, këta e kanë një të drejtë…që ta konsumojnë, ta formojnë Qeverinë, nëse nuk arrijnë, qëndrimi jonë është të formojmë një qeveri e cila është e koalicionit me partitë të cilat kanë qenë në opozitë dhe mbesim në vija dhe parime të tilla”
Hoxhaj tha se janë të vendosur dhe e shohin Bedri hamzën Kryeministër dhe se nuk sheh ndonjë mundësi bashkëpunimi me LVV-në pas zgjedhjeve.
“Mendoj se pasi të mbyllet procesi i votimeve ne do të duhet të vendosim për situata të veçanta në mënyrë të veçantë por parimisht dhe këtu jemi shumë të vendosur ne shohim Bedri Hamzën kryeministër dhe PDK-ja është e vendosur që të bëjë çdo gjë që ta mbështesë zotin Hamza që të jetë Kryeministër i qeverisë së Republikës së Kosovës. Ne kemi patur kritikë të madhe për LVV-në gjatë katër viteve të fundit të qeverisjes, mendoj që me sjelljet dhe veprimet e tij, zoti Kurti, e ka dëmtu shumë interesin shtetëror të Kosovës prandaj edhe nuk shohim ndonjë mundësi të bashkëpunimit me këte subjekt politik ” tha Hoxhaj në Blic Interview.
