Share
Qytetari që u godit për vdekje sot rreth orës 19:00 në fshatin Jashanicë të komunës së Klinës, është Sahit Sahitaj, i cili i takon moshës rreth 80-vjeçare.
Mediat lokale kanë publikuar pamje ku shihet viktima ende në vendin e ngjarjes, teksa bëjnë të ditur se trupi i viktimës tash e dy orë nuk është larguar nga ku ndodhi ky aksident me fatalitet.
Lajmin e ka konfirmuar zëdhënësi i policisë për rajonin e Pejës, Fadil Gashi, i cili tha se ekipet mjekësore kanë dalë në vendin e ngjarjes, teksa ekipet kompetente po kryejnë hetimet për t’i zbuluar shkaqet e aksidentit.
“Vdekjen e viktimës e ka konstatuar ekipi mjekësor në vendin e ngjarjes. Hetuesit e trafikut dhe njësitet tjera relevante po e bëjnë vendshiqimin dhe janë duke i kryer hetimet për të parë se si ka ardhur deri tek ky aksident”, tha Gashi.
