Share
Një shpërthim ka ndodhur mbrëmë në Zubin Potok, nga i cili dyshohet se është shkaktuar edhe një zjarr në një ndërtesë të pabanuar.
Zëvendësdrejtori i policisë për rajonin e veriut, Veton Elshani, bëri të ditur se nga ky shpërthim nuk ka të lënduar.
Elshani tha se nuk dihet ende se çka ka çuar deri te shpërthimi.
“Në Zubin Potok është raportuar një shpërthim nga i cili dyshohet se ka shkaktuar edhe një zjarr në një ndërtesë të pabanuar e të papërfunduar.
“Nuk ka të lënduar, ndërsa policia dhe zjarrfikësit janë në vendin e ngjarjes. Ende nuk dihet se nga ҫka është shkaktuar shpërthimi, por njësitet policore adekuate janë në vendin e ngjarjes”, ka thënë Elshani.
Mediat lokale në veri kanë publikuar pamje nga vendi i ngjarjes.
