Është përuruar Shtëpia-Shtab e Ushtrisë Çlirimtare të Kosovës në Halabak të Podujevës.
Pjesëmarrës ishte dhe kreu i këtij qyteti, Shpejtim Bulliqi.
“U rikthyen kujtimet dhe krenaria për sakrificën e ushtarëve të UÇK-së në këtë zonë. Ky vend, që dikur ishte strehë e ushtarëve që luftonin për lirinë e vendit, sot është restauruar dhe kthyer në një simbol të qëndresës dhe kontributit për lirinë e Kosovës”, ka shkruar Bulliqi në rrjetin social, Facebook.
“Një falënderim i veçantë i takon familjes Maqastena, e cila në momentet më të vështira të luftës hapi dyert e saj për t’u shndërruar në një pikë të rëndësishme të UÇK-së. Kjo familje vazhdon të tregojë përkushtimin dhe dashurinë për atdheun, duke dhënë shtëpinë e tyre për restaurim, në mënyrë që brezat e ardhshëm ta kujtojnë dhe ta nderojnë këtë periudhë historike të Kosovës”.
