Share
Administrata Tatimore e Kosovës (ATK) njoftoi se gjer më tash në vitin 2024 ka mbledhur plot 2.3 milionë euro tatime vetëm nga këngëtarët.
“Administrata Tatimore e Kosovës njofton opinionin publik se për periudhën janar-gusht 2024 vetëm nga këngëtarët ka mbledhur tatime në vlerë 2.3 milionë euro. Kjo është një rritje e konsiderueshme në deklarimin dhe pagesën e tatimeve nga këngëtarët dhe performuesit e tjerë të industrisë muzikore. Rritja është rezultat i masave të reja të zbatuara nga administrata për të konsoliduar aktivitetet e saj dhe për të siguruar një monitorim intensiv të këtij sektori. Të hyrat e kësaj periudhe janë më të larta për gjysmë milioni euro krahasuar me periudhën e njëjtë të vitit të kaluar”, thuhet në njoftim.
